S O B R E M I N / B I O G R A F Í A
Nado na Coruña en 1999, actualmente é saxofonista, clarinetista, arranxista, compositor e director de BigBand, titulado en estudos superiores de jazz no Conservatorio Superior de Música da Coruña, con matrícula de honra.
Comezou os seus estudos musicais no 2004, durante os cales, ademais de saxofón e clarinete, formouse en piano (2007-2012) e batería (2017-2018) e recibiu clases de harmonía, improvisación, arranxos e composición.
Xunto aos seus estudos foi compaxinando diversos proxectos musicais propios e como convidado, o que o levou a tocar con músicos da talla de Abe Rábade, Miguel Cabana, Naíma Acuña, Nani García, José A. Acuña, Gareth Fowler, Simón García, Tobby Boalch, Yago Vázquez, John Stowell, Iago Mouriño, Cennet Jönsson, Baldo Martínez, Scott Stroman & Eclectic Voices, Roberto Somoza, Alfonso Morán...
Participou en multitude de festivais, entre os que destacan:
- Festas María Pita de A Coruña (2011, 12, 13, 14, 15, 16, 18)
- ImaxinaSons de Vigo (2011, 12)
- JazzAtlãntica de A Coruña (2012)
- V IKFEM de Tui-Valença do Minho (2017)
- XXVI Festival de Jazz de Ceuta (2020)
- 58º Donostia Jazzaldia no marco de la programación de "JazzEñe" (2023)
- 47º Festival Internacional de Jazz de Getxo (2024)
Recibiu numerosas MasterClasses de músicos como Abe Rábade (2017), Cennet Jönsson (2015), Elliot Zigmund (2018), Seamus Blake (2019), Paquito D'Rivera (2019), Chris Cheek (2018), John Stowell (2018, 2019), Alessandro Fabbri (2018), Christos Rafalides (2018), Bob Sands (2020), Paco Charlín (2023), Gileno Santana (2023) e un longo etcétera.
Actualmente é o líder do Lois Rivera Quartet / Lois Rivera Trío, do quinteto Project.Five, e do cuarteto SEADA, co que en xullo de 2024 foron seleccionados entre os 4 finalistas do Concurso Internacional de Grupos do Festival de Jazz de Getxo, das máis de 100 formacións participantes.
Ademais, participa como membro permanente na Garufa Blue Devils BigBand (a "mellor BigBand de España" en palabras do crítico de jazz Manel Mantiñán); no grupo Dixieland Swing Los Hot Chocolates; e no Nani García & Baldo Martínez Quartet.